ಚಲನಚಿತ್ರ ನಿರ್ದೇಶಕ, ನಿರ್ಮಾಪಕ ರಾಜ್ ನಿಡಿಮೋರ್ ಅವರನ್ನು ವರಿಸಿದ ನಟಿ ಸಮಂತಾ

ಚಿಕ್ಕಬಳ್ಳಾಪುರ: ಕೊಯಮತ್ತೂರಿನಲ್ಲಿರುವ ಇಶಾ ಯೋಗ ಕೇಂದ್ರದಲ್ಲಿ ಸೋಮವಾರ ಡಿಸೆಂಬರ್ ೧ ರಂದು ಬೆಳಗ್ಗೆ ನಡೆದ ಖಾಸಗಿ ಸಮಾರಂಭದಲ್ಲಿ ಬಹುಭಾಷ ನಟಿ ಸಮಂತಾ ರುತ್ ಪ್ರಭು ಅವರು ಚಲನಚಿತ್ರ ನಿರ್ದೇಶಕ , ನಿರ್ಮಾಪಕ ರಾಜ್ ನಿಡಿಮೋರ್ ಅವರನ್ನು ವಿವಾಹವಾಗಿದ್ದಾರೆ.

ವಿವಾಹ ಕಾರ್ಯಕ್ರಮದ ಚಿತ್ರಗಳನ್ನು ನಟಿ ಸಮಂತಾ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಹಂಚಿಕೊAಡಿದ್ದಾರೆ. ಇಶಾ ಕೇಂದ್ರದ ಒಳಗೆ ಲಿಂಗ ಬೈರವಿ ದೇವಾಲಯದಲ್ಲಿ ನಡೆದ ಈ ವಿವಾಹದಲ್ಲಿ ಅಪ್ತ ಸ್ನೇಹಿತರು ಮತ್ತು ಕುಟುಂಬ ವರ್ಗದವರು ಭಾಗವಹಿಸಿದ್ದರು.
೩೮ ಹರೆಯದ ಸಮಂತಾ ಕೆಂಪು ಸೀರೆ ಧರಿಸಿ ಕೂದಲನ್ನು ಅಚ್ಚುಕಟ್ಟಾಗಿ ಕಟ್ಟಿ, ವಜ್ರದ ಆಭರಣಗಳನ್ನು ಅಲಂಕರಿಸಿಕೊAಡು ಕಂಗೊಳಿಸಿದ್ದು, ರಾಜ್ ನಿಧಿಮೋರು ಬಿಳಿ ಕುರ್ತಾ, ಪೈಜಾಮ ಮತ್ತು ಕ್ರೀಮ್ ಬಂಧ್‌ಗಲಾ ಧರಿಸಿದ್ದರು. ಇಬ್ಬರು ಲಿಂಗ ಬೈರವಿ ದೇವಿಯ ಅವಾಸಸ್ಥಾನದಲ್ಲಿ ಭೂತ ಶುದ್ದಿ ವಿವಾಹ ಸಮಾರಂಭವನ್ನು ನಡೆಸಿದ್ದು, ಲಿಂಗ ಭೈರವಿ ನಿವಾಸಗಳಲ್ಲಿ ಅಥವಾ ಆಯಾ ಸ್ಥಳಗಳಲ್ಲಿ ನೀಡಲಾಗುವ ಭೂತ ಶುದ್ದಿ ವಿವಾಹ ಪದ್ದತಿ ದಂಪತಿಗಳೊಳಗಿನ ಐದು ಅಂಶಗಳನ್ನು ಶುದ್ದಿಕರಿಸುತ್ತದೆ. ಶಾಸ್ತçದಲ್ಲಿ ಜಂಟಿ ಜೀವನ ಪ್ರಯಾಣದಲ್ಲಿ ಸಾಮರಸ್ಯ, ಸಮೃದ್ಧಿ ಮತ್ತು ಆಧ್ಯಾತ್ಮಿಕ ಹೊಂದಾಣಿಕೆಗಾಗಿ ದೇವಿಯ ಅನುಗ್ರಹಕ್ಕಾಗಿ ಧಾರ್ಮಿಕ ವಿಧಿವಿಧಾನಗಳ ಮೂಲಕ ಪ್ರಾರ್ಥನೆ ಸಲ್ಲಿಸಲಾಗುತ್ತದೆ. ಸಮಂತಾ ಅವರು ೨೦೧೭ ರಲ್ಲಿ ತೆಲುಗು ನಟ ನಾಗ ಚೈತನ್ಯ ಅವರನ್ನು ವಿವಾಹವಾಗಿದ್ದರು. ೨೦೨೧ ರಲ್ಲಿ ವಿಚ್ಚೇಧನ ಪÀಡೆದುಕೊಂಡಿದ್ದರು. ನಾಗ ಚೈತನ್ಯ ಅವರು ೨೦೨೪ ರಲ್ಲಿ ನಟಿ ಶೋಭಿತ ಧೂಳಿಪಾಲ ಅವರನ್ನು ಎರಡನೇ ವಿವಾಹವಾಗಿದ್ದಾರೆ. ಅವರು ವಿವಾಹವಾಗುವ ವರ್ಷ ತುಂಬುವ ಮೊದಲೇ ಸಮಂತಾ ಅವರು ವಿವಾಹವಾಗುವ ಮೂಲಕ ಗಮನ ಸೆಳೆದಿದ್ದಾರೆ.